NÚMEROS 23:18-21

¹⁸Huajca Balaam sempa pejqui camanalti huan quiijto ni camanali: “¡Tanahuatijquet Balac, ta cati tiicone Zipor, cuali techtacaquili!

¹⁹Toteco amo itztoc quej titacame. Yaya amo istacati. Yon amo moyolpata quej se tacat. Cati yaya quiijtohua para oncas, ya nopa oncas. Cati yaya quitencahua, ya nopa quichihua.

²⁰Technahuatijtoc ma niquintiochihua ni masehualme. Huan pampa yaya ya quintiochijtoc, amo hueli na niquijtos para amo.

²¹TOTECO amo quipantía tajtacoli ipan ni israelitame. Inijuanti cati iteipan ixhuihua Jacob. Amo hualas tequipacholi ipan inijuanti pampa TOTECO cati inintata quihueyichijqui itztoc inihuaya. Yeca inijuanti tzajtzij ica paquilisti, pampa tahuel hueyi inintanahuatijca cati inihuaya yahui.