Epístola 2 a los Corintios 9

1

2

3

4

5

6

7

8

9

10

11

12

13

¹Wika Jisusa nemajuidau yaigtinuk kuichkik ijumjau asagmin, ataktú ijumjatajum tusanuk agatmaitsujime.

²Wagki, wika atum wakesajum dutikamugminak shiig dekagjime, nuniau asan Macedonia nugkanmaya aidaun ujaknush, atumí eme anentsan ujainajai. Nuniakun Acaya nugkanmaya aidaush tikich mijanae duwi nagkamas, dita yaimkatnujinak umintsaje tajai. Nunú atum wakejusa dutikamun, Macedonianmaya antukag senchi wakekagmayi.

³Atum imaniagminig yatsug aidaun awetajime, wi atumin ememattsan chichaag nuna wainak tu wekaguwa nunin diigsainum tusan, wi etsegtajim nunisjumek umintsajum asatajum tusan tajime.

⁴Macedonianmaya aidau wijai anuí takamá, wi tajim nuninchaun waipainakuig, atum datsamain aig, ii atumiin kajinmasa chichakú asaja jutii datsamainaitji.

⁵Nuaduí nunin ai tau asan, ju yatsug aidaun: Atum emkajum wetajum, nunikjum tikich mijan nagkaemakmaya duwi yaimkatnun wakejus nagkamawagmaya nuna ijumjatnume yaigtajum, tusan awemajai. Aatsa ijumja umisjum asatajum sujimayatku dutiktsuk, wakejusampap jutikainawa tumain atí.

⁶Jushakam adeagtajum: Ajakan machik ajauk machik juwaawai, kuashat ajakmakushkam kuashat juwaawai.

⁷Makí makichkitijum atum wajuk susatjai tusagmea anentaimsaugme, dutiksagmek susatajum, junik anentaimiatkujum, nuniachkugmesh tikich apusata tujamainakui dutiktsuk. Apajuik ya wakejus suwawa nuna imá shiig aneawai.

⁸Apajuik ashí pegkeg aina nunak amainawai, dita atsumaina duka imanisag ajitnume, nunitai tikich aents atsumaina nunash yaigtinme tau asa.

⁹Agagbaunum chichaak: “Ujunauch aidaun kuashat susaja nunak, Apajuik kajimatjukchatnai dita pegkeg dutikamujiya nunak”, tawai.

¹⁰Apajuiyai ajak ajakmatnun, nuigtú yuwatnunash sukagtinuk. Nunin asa ajak ajakmamunash nigki tsapapak kuashat nejepitka numamtuk, atum wakesajum yaimjum nunak, nuní nagkaemas kuashat sujamsattagme, tikichin pegkegnum yaigtinme tusa.

¹¹Dutikamu asajum, ashí atum tikich yaimainush ajutjamtatjume. Atum kuichik ijumjajum jutiiní awemattajum nuna, yatsug aidau, ubag aidau waituidau jukiag, Apajuin see tiagtatui.

¹²Yatsug aidau, ubag aidau yaigtin juwinag duka imá atsumamujinig yaigtasaik juwinatsji, duka Apajuinashkam see titinme tabaunum dutikaji.

¹³Ditak Apajuin emematiagtatui, atum yaigtatjum duka Kristui dekaskeapi taji tau asajum umigjum nu iwainmamkujum dutikattajum duwi. Nuigtushkam ditak Apajuinak eme anentus diisagtatui, atum dita wakejusjum yayakjum, tikich aidaush yaigtatjum nuaduí.

¹⁴Nuninak atumin anempas Apajuin aujtugmagtatui, Apajuí shiig kuashat wait anenkagtamujin atumin iwaintugmakaja duwi.

¹⁵¡See tajai Apajuin, chichamaikish tumainchaun shiig kuashat anenjauch sujamsauwa nuaduí!