Epístola 2 a los Corintios 2

1

2

3

4

5

6

7

8

9

10

11

12

13

¹Nuaduí: Dekas wechatjai, ditan wake besemag anentaimtiká wekayig, tusan juwakbaijai.

²Atum mina shiig anemtijumaintigmin wake besemag anentaimtiktaish, ¿yaki minash shiijash anemtijusti?

³Nuaduí ayatak agatjabiajime, atum mina shiig anemtijumain aidautigmin wake besemag anentaimtiktan dakitakun. Wika shiig dekajai, wi shiig aneakuig, atumshakam shiig aneemainaitjume.

⁴Tujash wi papiin agatjabiajim nunak, senchi uyumaka waitiamunum buutkun pujusan agatjabiajime. Tujash atumin wake besemag anentaimtijatasanuk agatjashbaijime, ayatak wi atumin senchi aneajim nuna dekaatnume tusan agagbaijai.

⁵Tuja mina makichik aents wake besemag anentaimtijujua duka, imá minakek dutijuache, ashí atumesh nunikugmeapi tajai. (Junak wika nunú aents dekas pegkegchau takasbaujiya nunak awagkinuk chichaa wekaechattajai).

⁶Atum ainajum nuwiya imá kuashtatijum nu aents suwimak susauwaitjum duka: Maake, anuig atí.

⁷Yamaik atumek tsagkujajum anentai ichichtugtajum, wake besemag pujak shiig pujuschamin dekapí.

⁸Nuaduí, atum yaunchuk ni aneejakuitjum dutiksagmek aneetajum tusan segajime.

⁹Duwik juna pachisan agatjabiajime, dekas wi tabaunash umikagtimpash tusan dekapsatasan.

¹⁰Nuaduí atum tsagkujattajum nunak, wisha tsagkujattajai. Wi anuí atumjai ijuntsan pujusan Kristu emtin tsagkugmainaitag dutiksanuk.

¹¹Nu aaja dutikaku jutiik iwanch tsanujati tusaik agkantak idaitumaitsui, wagki dekaji ni pegkegchaun takamtijamsatatus wajuk anentaimnaita duka.

¹²Yamajam chichaman Kristu pachisan etsegkatasan yaakat Troas jegaa ai, kuashat aents Apajuí chichamen dekawagtatus wakeyagmayi;

¹³tujash yatsug Titun wainkachu asan wakeesan takamainchau dekapeakun, ditanak ukuakun Macedonia nugkanum webaijai.

¹⁴See tajai Apajuin, Kristu depetmakua imanuk etamu asamtai, jutii ni chichame etsegbauwa dushakam pegkeg kugkuina iman, ashí yantamnum etsegbaun wakejus antuidau asagmatai.

¹⁵Jutii Kristu pachisa etsejuinag duka, Apajuin shiig awagmawai. Juna antuk umiidaunak Apajuí uwemtikainawai. Jujú chichamak pegkejai chichaman umiina nuwig, tuja megkaejatin aina dushakam jujú chichamnak antuinawai.

¹⁶Megkaejatin aina duka Apajuí chichamenak pegkegchauwa nunin antuinawai, dita megkaejatnujin pachis tau asamtai. Apajuí chichamen antukag umiina nunak Apajuí uwemtikui. Tuja nu chichaman umiina nujaig Apajuí chichamega juka pegkejai, duwi dekainawai: Nayaimpinmap pujustinaitji, tusag. Makichik aentskesh, Apajuí yayachmak shiig dekamaitsui, jujú chichama ju etsegtanak.

¹⁷Jutiik, tikich aidau kuichkin jukitasag wainak tsanumag chichaman etsejin aina nuninatsji, jutiik Apajuí awetabiu asagmatai dekaskenum ni emtinish etsejuinaji, nuigtush Kristujai ijutkau asaja.