Epístola 2 a los Corintios 13

1

2

3

4

5

6

7

8

9

10

11

12

13

¹Yamai minittag nuuwai kampatuma juna ijagsattajim nu. Aents pegkegchau takaun wainkau, jimag nuniachkush kampatumkesh etsegtuinakui, atum wajuk dutikattagme duka tumainaitjume.

²Yaunchuk wi jimaja juwi ijagsatasan tajuawabiajim duwi, pegkegchau takaajum duka idaisatajum tiuwaitjime. Tuja nui pujus tikich pegkegchau takaunash suwimkan susattajai tiuwaitjim nunak awentsanuk tajime: Wi anuí atumin ataktú ijagsatasan minittag nunikman, pegkegchau taká batsatjumin wainkan suwimkan amasaijim tusan.

³Nuna dutikakui, Kristu nigki niina takatjin inata duka shiig dekaattagme. Kristuk atumin dutijamatta duka kakakchauchui; niina senchijinak atumiin iwainaktatui.

⁴Dekaske nigka senchigtuchua nunin wajasuí, nunikmatai yupichu achijaju ainawai, tujash yamaik Apajuí senchijijai pujawai. Jutiishkam nunisaik ni kakakchau aajakua nuninuk ainaji, tujash Apajuí senchijin Kristujai ijunja pujuinaji, atum chicham ujakta tau asaja.

⁵Atumek niimastajum dekas pegkejash takaajum, atsa pegkegchauwash takaajum nunú. Atum pegkeg takaakjumek Jisukristu atumiin pujau asamtai nuniagme. Tujash Apajuiyai kajintsá anentaimchakjumek, pegkegchau takaakjum nuniagme.

⁶Atumesh itusagmek jutii kuashat dekapsamu asaja, dekas Kristu chicham etsegtugkata tusa awemamu ainag dusha dekaawajum tusan wakegajai.

⁷Nuniau asan atumshakam pegkegchau takasaijum tusan Apajuin aujtajime, wi Apajuin aujag nunak, wi Kristu chicham etsegtugkata tusa awemamuitag nuna dekajuatnume tusanuk tatsujai. Nunak ayatak pegkeja nuna takastinme tusan tajime, atum jutii Kristu awemachbauwa nunin diijatjuminig.

⁸Jutiik dekaskea nuna shiwagmamaina duka makichkish takamaitsuji, chicham dekaskea duke takamainaitji.

⁹Atum shiig ichichmamjajum pujajum duwi, wi kakakchauwaitkunush shiig aneasan pujajai, nuniau asan pegketnume tusanush Apajuinak tuke aujtajime.

¹⁰Nuniau asan eke atumiin minitsuk, juna papiin agajan awetajime, wi atumiin taakun najam tiijim tusan, Apu Jisusak atumin waitkasti tusag senchijinak sujuschauwai, ayatak atumin yaigtí tusa sujusuí.

¹¹Yatsug aidauh, ubag aidauh, juna inagnakun tajime: Pegké pujakjum dakujusa pujustajum, nuniakjum ichichdaitajum, makichkia duke anentaimtuinakjum shiig agkan anentaimsa batsamsatajum, Apajuí atumin anempau asa pegké pujutan sujamsawa nunú atumiin atí.

¹²Makí makichkitijum pempentunisjumek shiig anendaisajum kumpamdayatajum. Jisusa nemajin juwi batsata dushakam ashí kumpamjamainawai.

¹³Apu Jisukristu wait anenkagtamuji, Apajuí anenkajiya nu, Wakaní Pegkejiya dushakam ashí atum aidaujai atí. Aatus atí.