Ekeliziasiti 10:13-20

¹³Pa pinodalaena si avoso hikare sari nana zinama; ba pa vina betona si duviduvili va kaleana sari nana binalabala,

¹⁴meke sa tie pekipeki si zama hoboro lamo. Loke tie si tumae nia nasa si korapa mae pa kenuna, meke esei boka tozia na sa si kote evaṉa pa mudina sa?

¹⁵Sa tie pekipeki si mabo nia sa sa nana tinavete; ke lopu gilania sa sa siraṉa pule la pa nana vetu.

¹⁶Tasuna sa butubutu sapu na koburu mo si baṉara nia, meke sari koburu tavia si inevaṉa pana munumunu.

¹⁷Tamanae sa butubutu sapu sa nana baṉara si pa tuti binaṉara, meke sari koburu tavia si henahena luli pa totoso, pude ṉiṉira, lopu pude viviri.

¹⁸Pana hakohako sa tie, sa ropoto vetu si kote hoqa; pana lopu boka tavetavete sa limana, si kote honi sa vetu.

¹⁹Pa inevaṉa si hegere sari na tie, meke sa napo vaeni si variva qetu koa rini, ba na poata mo sa inolaṉa koari doduru.

²⁰Lopu nanae nia sa baṉara, lopu zama golomo nia tugo, babe leve nia pa mua lose sa tie tagotago, sina sa kurukuru pa galegalearane kote paleki sari mua zinama, meke na kurukuru tapuru kote la tozi sapu zama ni goi.