Ekalesiyestis 12:9-13

⁹Abawiiyeveveyana na geakakovina kawagha bi gegha da touna nonowa wawaya bada akowa kiiravine iyiiyevevedi. Touna wona kayowiiwiiyaka igirumeyana da yadi wiisuwona ikabirubatabatadi bi iriri yapoyaporidi.

¹⁰Abawiiyeveveyana ivimatipo da sisiya waghata iyabanana bi iyagiruma da wiisuwona iyimaghatara yapori.

¹¹Wawaya nuwagiura kirakiina yana sisiya na ware kii gamgamna naboni meko sip bodaboda sakabi da sip situwiitetedina, bi yadi wonawiiyoyowana na ware kii ere tutuna gamgamna damone meko amama sarouwiimasiyeni yayowogha na naboni.

¹²Iikatayim natugu, kuberawiimasi da wiiyeveveyana mududi gwabidima kumiiritaveyana. Buka girumidi na getana meme damodina, bi akowa kabikirakiiyenina na inabera da tubuyim inamameyeni.

¹³Mmkodi bera murine, na sawara tanagha anawoneni: God kumararayenina bi yana sisiya bagibagidi kunakabisisiredi, basuna wawaya situbugha na mmkodi bera tupadi kiiravidiye.