Buk Song 69:30-33

³⁰Bai mi mekim song na litimapim nem bilong God, na bai mi tenkyu long em na tokaut long biknem bilong em.

³¹Na bai Bikpela i laikim tumas dispela pasin mi mekim. Em i no save laikim tumas ol ofa bilong bulmakau.

³²Ol manmeri i karim hevi bai ol i lukim dispela na bai ol i amamas. Na ol manmeri i save lotu long God, ol i ken kisim strong gen.

³³Bikpela i save harim prea bilong ol manmeri i sot long ol samting, na em i no save lusim tingting long ol manmeri bilong en ol i stap long kalabus.