Buk Song 66:2-9

²Singim song na tokaut long biknem bilong em. Litimapim biknem bilong en antap moa.

³Yumi tokim God olsem, “Olgeta samting yu save mekim em i nambawan tru. Strong bilong yu i bikpela moa, olsem na ol birua bilong yu ol i pret tumas, na ol i brukim skru long ai bilong yu.”

⁴Olgeta manmeri long graun ol i lotu long yu. Ol i singim song na litimapim nem bilong yu.

⁵Yupela kam lukim ol samting God i bin mekim. Lukim ol bikpela bikpela samting em i mekim namel long ol manmeri.

⁶Em i mekim solwara i kamap ples drai, na ol tumbuna bilong mipela i bin wokabaut tasol na brukim wara. Ol i kam pinis long sua na ol i amamas long God.

⁷Em i gat bikpela strong, na em i stap king oltaim oltaim. Na em i save lukim gut olgeta samting ol lain manmeri i mekim. Olsem na nogut sampela lain i bikhet long God.

⁸Yupela olgeta lain, yupela i mas litimapim nem bilong God bilong yumi. Yupela litimapim nem bilong God na bai ol manmeri i harim.

⁹Em i bin lukautim yumi na yumi stap laip, na em i no larim yumi i pundaun long sin.