Gesami Hea:su 66:2-9

²Ea Hadigi Dio amoma gesami hea:ma! Amola hadigiwane Ema nodone sia:ma!

³Godema amane sia:ma, “Dia hamobe liligi da noga:idafa gala. Dia da bagadedafaba:le, Dima ha lai dunu da beda:ga, Dia midadi begudusa.

⁴Osobo bagade fifi asi gala dunu huluanedafa da Dima nodone sia:ne gadolala. Ilia da Dima nodone gesami hea:sa. Ilia da Dia Dio gaguia gadole gesami hea:sa.

⁵Gode Ea hamobe amo ba:la misa! Ea dunu fi amo ganodini Ea noga:idafa hamobe amo ba:la misa.

⁶E da hano wayabo bagade afadenene, bu hafoga:i soge hamoi. Ninia aowalali da Yodane Hano amo emoga degei. Amogawi, ninia da Ea hamoi amo ba:lalu bagade nodoi.

⁷E da Ea gasaga fifi asi gala ouligilala. E da fifi asi gala huluane Ea siga ba:lala. Ema lelesu dunu ilia da Ema mae lelema:ma!

⁸Osobo bagade fifi asi gala huluane! Ninia Godema nodona:di! Dunu huluane da dilia Ema nodobe nabimu da defea!

⁹E da nini gebewane esaloma:ne ouligi. Amola nini mae dafama:ne ouligi.