Buk Song 35:20-27

²⁰Ol i no save toktok liklik long sindaun gut wantaim ol arapela man. Ol i tok long bagarapim ol man i sindaun gut long ples. Ol i save kibung bilong giamanim ol gutpela man na bagarapim ol.

²¹Ol i save bikmaus na sutim tok long mi olsem, “Tru tumas, mipela i lukim yu i mekim ol pasin nogut.”

²²Tasol Bikpela, yu lukim pinis ol dispela man. Olsem na nogut yu pasim maus i stap. Bikpela, yu no ken i stap longwe long mi.

²³Yu God na Bikpela bilong mi, yu kirap na kam helpim mi. Sanap na tokaut bilong strongim tok bilong mi.

²⁴God, Bikpela bilong mi, yu save mekim stretpela pasin. Yu helpim mi na bai ol birua i save olsem mi bihainim stretpela pasin. Yu no ken larim ol i amamas long lukim mi i bagarap.

²⁵Yu no ken larim ol i toktok long ol yet olsem, “Gutpela tumas! Samting yumi laik mekim, nau yumi mekim pinis.” Yu no ken larim ol i tok olsem, “Yumi bagarapim em pinis.”

²⁶Ol i amamas long hevi i kamap long mi, olsem na yu mas semim ol na paulim ol tru. Ol i litimapim nem bilong ol yet bilong daunim mi, olsem na yu mas semim ol na daunim nem bilong ol.

²⁷Tasol ol man i laik bai yu kolim mi stretpela man, ol i ken singaut amamas na i stap belgut. Oltaim ol i ken tok olsem, “Bikpela em i nambawan tru. Em i save laikim tumas bai wokman bilong en i ken i stap gut.”