Y Salmo Sija 35:20-27

²⁰Sa ti manguecuentos pas: ya contra y manmanso gui tano jajajaso y finijo dinague.

²¹Magajet na jabababa y pachotñija contra guajo; ilegñija: Ja, ja y atadogmameja lumie.

²²Unlie este, O Jeova; chamo famatquiquilo: O Jeova, chamo chachago guiya guajo.

²³Jaso ya fagmata para y juisioco; junggan, para y causaco Yuusso yan y Señotto.

²⁴Jusgayo taemanoja y tininasmo, O Jeova, Yuusso, ya chamo pumopolo na ufanmamagof guiya guajo.

²⁵Chamo pumopolo na ujaalog gui corasonñija: Ja, taegüije manmalagojit; chamo pumopolo na ujaalog: Jita jagas tacalamot güe.

²⁶Polo ya ufanmamajlao ya ufañatsaga ayo sija y manmagof pot y manadañujo: polo ya ufanminagago ni y minamajlao yan y disonra y munadangculo sija contra guajo.

²⁷Polo ya ufanagang ni minagof ya ufanmagof y gumaeya y tinas na causaco: junggan, polo ya ujaalog siempre: innadangculo si Jeova, ni y yaña na memegae y tentagoña.