Buk Song 12:2-5

²Olgeta man i save giaman long ol arapela man. Ol i save tok gris long ol na trikim ol.

³Bikpela, yu mas pasim maus bilong ol man i save mekim tok gris, na pasim maus bilong ol hambakman.

⁴Ol dispela man i save tok olsem, “Bai mipela i toktok long laik bilong mipela yet. I no gat wanpela man inap pasim mipela. Husat i bosim mipela?”

⁵Tasol Bikpela i tok olsem, “Nau bai mi kam, long wanem, ol man i wok long daunim ol rabisman. Na ol man i karim pen na hevi, ol i krai i stap. Bai mi givim ol dispela gutpela sindaun ol i wet long kisim.”