2Main olmen bin kaman langa mi. Mi na det gadin blanga im weya det gudsmelwan medisin tri oldei gro. Im brabli gudbinji wen im go langa dijan gadin, en gajimbat ola purdiflawa gulum lili.
3Main olmen im blanga main, en mi blanga im. Im oldei abumbat gudtaim weya ol detlot purdiflawa jidan.
4Main olgamen, yu luk brabli purdiwan laik Jerusalem, en laik det bigbala taun gulum Taisa. Langa mi yu luk brabli purdiwan.
5Yu luk najawei. Det dubala ai blanga yu meigim mi go wikwan. Nomo luk langa mi. Yu meigim mi yu prisana. Blanga yu heya, im densdensbat laik detlot gout weya dei jamparanbat langa det hil kantri langa Giliyad.
6Blanga yu tuth, im brabli waitwan laik det ship wen dei kadimbat blanga im wol en washim im. Holot jis rait, en yu nomo bin lujim eni tuth.
7Yu feis im shainiwan nomeda yu gaburrumap garram heinggitjif.
Brabli Gudwan Song 6
Brabli Gudwan Song 6:2-7