Brabli Gudwan Song 3:3-7

³Detlot blijiman hu oldei lukaftumbat det taun bin luk langa mi, en aibin askim olabat, “Yumob bin faindim main olmen?”

⁴Streidawei wen aibin gowei brom olabat, aibin faindim im. Aibin holdim im, en ai nomo bin larramgo im. Aibin lafta deigim im langa main mami kemp, insaid langa det pleis weya aibin bon.

⁵Wal yumob gel brom Jerusalem, yumob garra pramis mi brabli strongbalawei. Yumob garra pramis nomo blanga kadimat minbala wen minbala laigim gija detmatj.

⁶Hu dijan kaminap brom det deset kantri? Im luk laik bigiswan smok. Det smok na brom det gudsmelwan medisin wen im barnap, en smel brabli gudwan. Detlot trebalamob oldei bringimap detkain brom najawan kantri.

⁷Luk! King Salaman, indit? Dei garrimap im garram im boswan tjeya. Bigmob solja lukaftumbat im, en olabat ola brabli gudwan soljamob blanga Isreil.