Brabli Gudwan Song 2:9-13

⁹Main olmen im kaman brabli kwikbala jis laik det yangwan diya. Im deya na jandapjandapbat atsaid langa main kemp. Im lukinatbat det windo blanga mi, en im tok kwaitbalawei langa mi.

¹⁰Kaman na, main olgamen. Ai laigim yu detmatj. Ai wandim yu garra kaman garram mi.

¹¹Det rein im binij na,

¹²en langa det bush kantri detmatj purdiflawa bin gro. Im taim na blanga singim song. Yu gin irrim detlot song blanga detlot bard ebriweya langa ola kantri.

¹³Detlot tri garram daga, im gulijap kukwan na. En detlot purdiflawa blanga detlot kripa smel brabli gudwan. Yu kaman garram mi, main olgamen. Ai wandim yu garra kaman garram mi.