Kantan Solomon 2:9-13

⁹Kaman bomaro ay ogsa. Sin dingding di beey mi, pinmipika ay mantintining sin tawa.

¹⁰Kananan sak-en, “Bomangon ka. Napintas ka, laylaydek sik-a. Omali ka ta mankoyog ta.

¹¹Enggay nalabas di timpon di teg-in, nakdeng di pinag-oodan.

¹²Enggay ginmabay din sabsabong isnan daga, et dinomteng di pinagkakanta.

¹³Din lames di igos yan enggay naom da, din manbongbonga ay obas yan mansengseng-ew da. Napintas ay laylaydek, omali ka, omali ka ta mankoyog ta.”