4Asa unipare ŋu sorero wisikaraŋo uyaro yendé enemo-enemo toŋero miti mande yesowaŋgurí.
5Filipko Samaria mirako ŋuno yendé kano uro ŋu Kristo ŋuro yesoworo yimiraró.
6Yimitoro o wimbí moré tiní unipare qambu qundo kondé toŋetero mandí yaró ŋuro kusumbo raŋgurí.
7Dokoro enendo yuqa pusú qambu uni quroyemo yaŋgurí ŋu yohowiní kondé kiwero yorotoro toŋeŋgurí. Ko uni qambu wimbuye khumaró, ko kheye piyimi mu, ŋu yoriní meté taŋgurí.
8Ŋunde ŋuro yendémo ŋuno niŋgu-niŋgu parámi taŋgurí.