Apostolo 3:9-13

⁹Na boda wa iya se kita ye laulau yo Yaubada ye hedehedebasaei

¹⁰na se kitalobai meta iya taukaikaibwada numa tabuna kawamatana unai ye tutuli wa, meta se siliyata yo se nokokalili.

¹¹Na kabo taubunibunina se henamwanamwaꞌusei wa Petelo yo Yowane maidanao se hainimakabi na numa tabuna wa unai se pesa se lau teha hesauna hesana Solomona yona Logulogu unai. Na boda maudoidi saha se tubu wa se kita yo wasana se lapui ede se siliyata na se heloigogoi se lau udiyedi.

¹²Petelo ye kitadi ede ye hededelau udiyedi ye wane, “Isalaela tamowaidiyao, idohagi to kwa siliyatakalili? Yo idohagi to kwa kaikewaigai kana kao doha ka bom yoma gigibwali yo yoma namwa debanaena tamowai ta ye laulau.

¹³Abelahama, Isako, Yakobo yo kada kulutubu maudoidi yodi Yaubada yona taupaisowa Yesu ye lausini na kabatuli namanamalina unai ye tuli. Huyana Yesu sola tanoubu ta unai meta komiu iya kwa mosegabaei na se unuhemwaloi. Pilato ye henuwa bena ye yailigabaei, na komiu kwa hedede meta Yesu nige kwa henuwa.