Hechos 3:9-13

⁹Ech til kajay qꞌu aanima atich opon, aas nitekixaaneꞌ utz, vaꞌl toksat iqꞌii u Tioxh.

¹⁰Tiira motx tzꞌejx ikꞌuꞌl utz, motx xoꞌv tu u kam tziꞌ. Tan til iatz aas aꞌ u koꞌx vaꞌl nichikꞌujeꞌ tiꞌ ijoyax ipuaj tziꞌ u okebꞌalop tu viqꞌanalil u totztioxh vaꞌl “Txꞌanel” chu teꞌleꞌ.

¹¹Uncheeꞌ aatz u koꞌx, vaꞌl maꞌtich ibꞌantu bꞌaꞌn, tii techit txayelich u Luꞌ tuchꞌ u Xhan taqꞌo. Ech aatz qꞌu aanima qꞌuꞌl tzꞌejxinajich ikꞌuꞌl tiꞌ, motx imol tibꞌ. Motx opon kꞌatz qꞌu chusulibꞌ tu vaꞌl “Xoꞌl Piraal Tetz Salomoon”.

¹²Ech aatz til qꞌu aanima u Luꞌ, tal te ech tzaꞌ: —Aanima Israeel, ¿kantuꞌ nitzꞌejx ekꞌuꞌl tiꞌ u kam tziꞌ? Utz ¿kantuꞌ aas tii nesajiꞌoꞌ tiꞌ. Ayaꞌl kala oꞌ tuchꞌ kuyakꞌil utz, tuchꞌ kubꞌaꞌnil vetkuxaansa u koꞌx tilon tu qꞌuꞌl nebꞌaneꞌ tziꞌ?

¹³Tan iqꞌaqꞌal u Jesuus atziꞌ, vaꞌl etoksa tiqꞌabꞌ u Pilato utz, yeꞌt koꞌn motx esaꞌa aas siꞌchchajpuli. Aꞌ viTxaaom u Tioxh vaꞌl taqꞌ tijleꞌm, vaꞌl nimamal tu qꞌu kukꞌuy kumam, u Abrahaam, u Isaac tuchꞌ u Jacoob.