Apostolo 22:2-9

²Na tahuna ri longoa i ta na nita Hibru ri vulai liu. Lakea e Paulus i ta maea,

³“Iau a Iuda. Ni poda iau na tanga e Tarsus, na robo e Silisia. A koru rike koea na tanga dagi. E Gamaliel i tovo iau na vinara ne huriki a gare ne hita. A habi a hategu ni rata e leho na Vure, i manga mua.

⁴Iau hosi a ratapile e huriki ri muri mai a dala ne Isu. I ranga ne ria ni rabalaki. A lakavu e huriki a bakovi a ngatavine, a voro dili ria na bavi.

⁵Mu nanea ra prister dagi turana e huriki a gare ne huriki a Iuda, bara ri vakalongo mua. Ri habia nau a raukea ga habia ne huriki a kabu kabu na Iuda o Damaskus. A lokovonga ta ga lakavu e huriki a tara ne Kristo, ga turari valai ria o Ierusalem, ni gi vakamadihi.

⁶“A rike na hos, a nunu sike o Damaskus. Na kuru haro, tabukoi ga bele, lakea a nipara dagi i para valai na hunu, i parai iau.

⁷A boru puru, a longoa a lohona viri i ta valai nau, i ta maea, ‘Saulus, Saulus! I navai o vakamadihi iau?’

⁸“Lakea a nana, ‘Bakovi Dagi, ioe e rei?’ “I koli, i ta maea, ‘Iau e Isu o Nasaret, ra o vakamadihi iau.’

⁹E huriki ri laho turagu ri masia a nipara, pali i uka ma ri longokilalea a lohona viri miri vata.