Apostolo 17:22-30

²²Tec Paulu gêdi jakêkô Areo Pagu ŋaluŋgeŋ, go kêsôm gebe “Lau Atenwaga, aê galic amac atoc anôtôi sa ŋapepgeŋ.

²³Kasêlêŋ katôm malacgêdôgeŋ gaja ma kêsala amacnêm gêŋ dabuŋ e katap altar teŋ sa teto ŋabiŋ gêc gebe ‘Anôtô taŋ tajam kauc eŋ naŋ nê.’ Tec gabe jawa gêŋ tau, taŋ ajam kauc ma atoc sa naŋ, sa êndêŋ amac.

²⁴Anôtô tau, taŋ kêkêŋ undambê to nom ma ŋagêŋ totau-totau samob naŋ, kêtu undambê to nom Ŋatau, mago gêŋgôŋ lôm dabuŋ, taŋ sêkwê ŋa lemeŋgeŋ naŋ atom.

²⁵Eŋ kêpô lêna gêŋ, taŋ ŋamalac sêgôm ŋa lemeŋ naŋ atom, gebe eŋ tau kêkêŋ êsêac sêmoa mateŋ jali to sêsê aweŋ ma kêkêŋ ŋagêŋ samob gêdêŋ êsêac.

²⁶Eŋ kêkêŋ ŋamalac tageŋ kêtu ŋamalac totoŋ-totoŋ, taŋ sêŋgôŋ nom auc naŋ, samob nêŋ ŋamôkê. Eŋ kêkêŋ nêŋ têm sêmoaŋa to gamêŋ sêŋgôŋŋa ŋamadiŋ kwanaŋgeŋ.

²⁷Anôtô gêgôm gêŋ tonaŋ gebe sensom eŋ. Moae sênsaê eŋ ma têtap eŋ sa, gebe eŋ gêmoa jaêc aêac samob nêŋ teŋ atom.

²⁸‘Eŋ kêkôm aêac auc, tec tamoa mateŋ jali to daŋgôm nêŋ gêŋ samob ma tamoa amboac tamoa,’ kêtôm amacnêm sêga-wêwaga ŋagêdô sêsôm gebe ‘Aêacnêŋ ŋam kêsêp eŋ.’

²⁹Aêacnêŋ ŋam kêsêp Anôtô, tec tanam dôŋ Anôtô êpi gwam gold to silber ma poc, taŋ ŋamalac taêŋ gêjam ŋamêtê ma sêgôm naŋ atom.

³⁰Anôtô gêlic têm, taŋ ŋamalac sêjam kauc tauŋŋa naŋ gêbacnê, ma galoc gêjac biŋsu ŋamalac gebe lau samob êtôm gamêŋ samobgeŋ sênam tauŋ ôkwi.