Aposotolo Adi Hewau 28:6-19

⁶Se itaitawatai, si ene, nimana abo ie pou, e nige’e, abo i guri‐dobi i mate heuheula, e nige’e; se itaita e, se itaitaasa ia nige i baaea, arinai nuadi se buidi, si ene, nuana ia eaubada esau.

⁷Nei dimo ne, bonabonarua ne guiauna ena tano, tau wa esana ede Pubilio, ia hinage i taubigaimai, asubena haiona ena numa eai ia i abitaumanaimai.

⁸Pubilio tamana ie ota, ana asiebo i gigibori eo osina ie abi. Paulo abo i awasae ena biri eai i lau‐uura, ia nimana ie toresaedi ia potana eai, ia i hemauri.

⁹Arinai abo headi hinage bonabonarua eai se asiebo, se laoma ia abo i helolouioidi.

¹⁰Isi hinage se taubigaimai, eo se taubigaaririemai; ai abo ai laugabaedi ema alae gamagaridi se usaidi ema waga eai.

¹¹Nawalai haiona se lautom, Alesana wagana esau eai ai gerugabaedi, waga wa, bonabonarua eai wa ie lo ealasi huiana, ia esana ede Kasita eo Polaki.

¹²Surakusa eai abo aie pesa nei eai aie mia e asubena haiona.

¹³Nei eai ai adaadau hasari, abo ai lage Regimu eai, huia esega eawana ie toa‐maraitom aie lage Puteoli eai.

¹⁴Nei eai ai hailobai ma eda tataoyao, se nuahimai arinai asubena haligigi‐labui aridi eai aie mia; arinai aie geru abo ai lau Roma.

¹⁵Eda tataoyao nei eai wasamai se ataiei se laoma Apio Poro, eo Taberona Haiona eai, se laubagibagiemai; Paulo i itadi Eaubada i lautoiei, abo nuana i adidiri.

¹⁶Roma eai aie lage, tatao‐auaudi senturion i moselaedi iala kapenana esau arinai: Paulo iabom i mia suara tau‐iala esau ia i itawatai.

¹⁷Asubena haiona se lautom, Paulo Iudea babadadi i heoigogoidi, isi se oigogo, ie ribalau isi aridi eai, i ene, “Tatao e, eo ehaguyao e, nige laulau esau arinai eda eanua tataodi ea hebaaeadi, eo tamadayao edi laulau hinage nige ea hebaaeadi, na se toaigu mo, Ierusalema eai se laeguma inai, eo se moselaegu Roma tataodi nimadi eai.

¹⁸Isi se oimurieguma, abo bena se iairigabaegu, paana ede isi se ita eau mate laulauna nige esau ea abi,

¹⁹na Iudea tataodi se riba gewa nuagu mo se hepaipai arinai Kaisara esana ea atai; ia mo egu basileia eau nige bena ea hegiru.