པྲེརིཏཱཿ 28:6-19

⁶ཏཏོ ཝིཥཛྭཱལཡཱ ཨེཏསྱ ཤརཱིརཾ སྥཱིཏཾ བྷཝིཥྱཏི ཡདྭཱ ཧཋཱདཡཾ པྲཱཎཱན྄ ཏྱཀྵྱཏཱིཏི ནིཤྩིཏྱ ལོཀཱ བཧུཀྵཎཱནི ཡཱཝཏ྄ ཏད྄ དྲཥྚུཾ སྠིཏཝནྟཿ ཀིནྟུ ཏསྱ ཀསྱཱཤྩིད྄ ཝིཔདོ྅གྷཊནཱཏ྄ ཏེ ཏདྭིཔརཱིཏཾ ཝིཛྙཱཡ བྷཱཥིཏཝནྟ ཨེཥ ཀཤྩིད྄ དེཝོ བྷཝེཏ྄།

⁷པུབླིཡནཱམཱ ཛན ཨེཀསྟསྱོཔདྭཱིཔསྱཱདྷིཔཏིརཱསཱིཏ྄ ཏཏྲ ཏསྱ བྷཱུམྱཱདི ཙ སྠིཏཾ། ས ཛནོ྅སྨཱན྄ ནིཛགྲྀཧཾ ནཱིཏྭཱ སཽཛནྱཾ པྲཀཱཤྱ དིནཏྲཡཾ ཡཱཝད྄ ཨསྨཱཀཾ ཨཱཏིཐྱམ྄ ཨཀརོཏ྄།

⁸ཏདཱ ཏསྱ པུབླིཡསྱ པིཏཱ ཛྭརཱཏིསཱརེཎ པཱིཌྱམཱནཿ སན྄ ཤཡྻཱཡཱམ྄ ཨཱསཱིཏ྄; ཏཏཿ པཽལསྟསྱ སམཱིཔཾ གཏྭཱ པྲཱརྠནཱཾ ཀྲྀཏྭཱ ཏསྱ གཱཏྲེ ཧསྟཾ སམརྤྱ ཏཾ སྭསྠཾ ཀྲྀཏཝཱན྄།

⁹ཨིཏྠཾ བྷཱུཏེ ཏདྭཱིཔནིཝཱསིན ཨིཏརེཔི རོགིལོཀཱ ཨཱགཏྱ ནིརཱམཡཱ ཨབྷཝན྄།

¹⁰ཏསྨཱཏྟེ྅སྨཱཀམ྄ ཨཏཱིཝ སཏྐཱརཾ ཀྲྀཏཝནྟཿ, ཝིཤེཥཏཿ པྲསྠཱནསམཡེ པྲཡོཛནཱིཡཱནི ནཱནདྲཝྱཱཎི དཏྟཝནྟཿ།

¹¹ཨིཏྠཾ ཏཏྲ ཏྲིཥུ མཱསེཥུ གཏེཥུ ཡསྱ ཙིཧྣཾ དིཡསྐཱུརཱི ཏཱདྲྀཤ ཨེཀཿ སིཀནྡརཱིཡནགརསྱ པོཏཿ ཤཱིཏཀཱལཾ ཡཱཔཡན྄ ཏསྨིན྄ ཨུཔདྭཱིཔེ ྅ཏིཥྛཏ྄ ཏམེཝ པོཏཾ ཝཡམ྄ ཨཱརུཧྱ ཡཱཏྲཱམ྄ ཨཀུརྨྨ།

¹²ཏཏཿ པྲཐམཏཿ སུརཱཀཱུསནགརམ྄ ཨུཔསྠཱཡ ཏཏྲ ཏྲཱིཎི དིནཱནི སྠིཏཝནྟཿ།

¹³ཏསྨཱད྄ ཨཱཝྲྀཏྱ རཱིགིཡནགརམ྄ ཨུཔསྠིཏཱཿ དིནཻཀསྨཱཏ྄ པརཾ དཀྵིཎཝཡཽ སཱནུཀཱུལྱེ སཏི པརསྨིན྄ དིཝསེ པཏིཡལཱིནགརམ྄ ཨུཔཱཏིཥྛཱམ།

¹⁴ཏཏོ྅སྨཱསུ ཏཏྲཏྱཾ བྷྲཱཏྲྀགཎཾ པྲཱཔྟེཥུ ཏེ སྭཻཿ སཱརྡྡྷམ྄ ཨསྨཱན྄ སཔྟ དིནཱནི སྠཱཔཡིཏུམ྄ ཨཡཏནྟ, ཨིཏྠཾ ཝཡཾ རོམཱནགརམ྄ པྲཏྱགཙྪཱམ།

¹⁵ཏསྨཱཏ྄ ཏཏྲཏྱཱཿ བྷྲཱཏརོ྅སྨཱཀམ྄ ཨཱགམནཝཱརྟྟཱཾ ཤྲུཏྭཱ ཨཱཔྤིཡཕརཾ ཏྲིཥྚཱཝརྞཱིཉྩ ཡཱཝད྄ ཨགྲེསརཱཿ སནྟོསྨཱན྄ སཱཀྵཱཏ྄ ཀརྟྟུམ྄ ཨཱགམན྄; ཏེཥཱཾ དརྴནཱཏ྄ པཽལ ཨཱིཤྭརཾ དྷནྱཾ ཝདན྄ ཨཱཤྭཱསམ྄ ཨཱཔྟཝཱན྄།

¹⁶ཨསྨཱསུ རོམཱནགརཾ གཏེཥུ ཤཏསེནཱཔཏིཿ སཪྻྭཱན྄ བནྡཱིན྄ པྲདྷཱནསེནཱཔཏེཿ སམཱིཔེ སམཱརྤཡཏ྄ ཀིནྟུ པཽལཱཡ སྭརཀྵཀཔདཱཏིནཱ སཧ པྲྀཐག྄ ཝསྟུམ྄ ཨནུམཏིཾ དཏྟཝཱན྄།

¹⁷དིནཏྲཡཱཏ྄ པརཾ པཽལསྟདྡེཤསྠཱན྄ པྲདྷཱནཡིཧཱུདིན ཨཱཧཱུཏཝཱན྄ ཏཏསྟེཥུ སམུཔསྠིཏེཥུ ས ཀཐིཏཝཱན྄, ཧེ བྷྲཱཏྲྀགཎ ནིཛལོཀཱནཱཾ པཱུཪྻྭཔུརུཥཱཎཱཾ ཝཱ རཱིཏེ ཪྻིཔརཱིཏཾ ཀིཉྩན ཀརྨྨཱཧཾ ནཱཀརཝཾ ཏཐཱཔི ཡིརཱུཤཱལམནིཝཱསིནོ ལོཀཱ མཱཾ བནྡིཾ ཀྲྀཏྭཱ རོམིལོཀཱནཱཾ ཧསྟེཥུ སམརྤིཏཝནྟཿ།

¹⁸རོམིལོཀཱ ཝིཙཱཪྻྱ མམ པྲཱཎཧནནཱརྷཾ ཀིམཔི ཀཱརཎཾ ན པྲཱཔྱ མཱཾ མོཙཡིཏུམ྄ ཨཻཙྪན྄;

¹⁹ཀིནྟུ ཡིཧཱུདིལོཀཱནཱམ྄ ཨཱཔཏྟྱཱ མཡཱ ཀཻསརརཱཛསྱ སམཱིཔེ ཝིཙཱརསྱ པྲཱརྠནཱ ཀརྟྟཝྱཱ ཛཱཏཱ ནོཙེཏ྄ ནིཛདེཤཱིཡལོཀཱན྄ པྲཏི མམ ཀོཔྱབྷིཡོགོ ནཱསྟི།