Aposotolo Adi Hewau 17:23-31

²³Ea baeawaemiu emi abatabaohu gamagaridi ea itadi, aitalasam hatahatana esau hinage ea iita, uriurina ina doha se pusai si ene, “NUATUPA EAUBADANA ENANA”; ia au tabaohui, na au hekau wa, ia ede ea ribahemasaraha arimiu eai ta.

²⁴Eaubada tanoubu tauginaurina, eo ginauri gamagaridi boeana eai, ia galewa eo tanoubu Guiauna, tatao dubu se ginauridi nimadi eai taba nige ena abamiahai meta,

²⁵hinage tatao nimadi eai taba nige se aihelahui, ia nige ginauri esau i hedeha, mauri eo eawasi eo ginauri gamagaridi ia tauleamana ede.

²⁶Tatao basileiadi gamagaridi tanoubu potana eai se miamia osinadi esegana eai i ginauridi, isi edi huia i ribaedio, edi abamia sigasigadi i ribaedio hinage,

²⁷bena Eaubada se eooi, bena se heoidadai abo se lobai. Ia gamagarida gegesida eai, ia nige eda lohaloha eai.

²⁸Doha omi emi tauwana headi se ribaei, ‘Ia arinai ta mauri, ta moimoiu, ta miamia ta;’ eo hinage, ‘Mamohoi, ita hinage ia nanatunayao ede.’

²⁹Ena ita Eaubada nanatunayao, tabu ta ene Eaubada ia doha gold e silver e we’u tatao se heoitau edi nuanuatu eai.

³⁰Emi huia supusupu eai wa, Eaubada nige i nuatui, na huia ta mo i lauhesomda i ene tatao gamagaridi, eanua gamagaridi eai, bena nuadi se buidi;

³¹paana ede ia asubena esau i ribaei, arinai tanoubu ta abo i hedudurai laulau dudurai boeana eai, tau esau i hetoro wa debana eai, hinage tatao gamagaridi edi abahemamohoiena i mosedi, iaede ia mate eai i hetorouioi.”