Aposol nup meme 25:3-5

³Aröŋda kinda kewö jiba uletket, “O premiö, göŋön ölöp neŋön möringa dop kölmapköra jim tekönöŋga keu algetka Pol waŋgita Jerusalem sitinöŋ ki kame.” Yeŋön mutuk keu kewö jöhöba jiget, “Polnöŋ könanöŋ kaiga miaŋgöreŋ mönö qein kömuma.” Mewö jiba jöjöröba mönögeraŋgöra kaba uletket.

⁴Mewö uletketmö, Festusnöŋ kewö meleŋ eŋgiyök, “Pol mi Sisaria taongö kösö mire tari galöm kölje. Ni nanak nalö kude köriiga miaŋgöreŋ liliŋgöba anmamgö mötzal.”

⁵Mewö jiba toroqeyök, “Miaŋgöra azi miaŋön bölöŋi kun akawak ewö, ölöp eŋgö jitŋememeurup tosatŋan nömbuk Sisaria geba miaŋgöreŋ keuŋini sileŋe ala jim waŋgigetka mötmam.”