3—Taꜙ jmeeˉ hñaaˉ hohꜘ, jmeeˊ madaꜚ heˉ jä̱hꜘ Paaˊ taꜙ Jerusalén —gaꜙjäyhꜘ sɨɨyhꜙ Festo. Jëëhꜘ gaꜙjmeeyꜘ hʉʉˊdsëˉ heˉ maˊ jngëëyhˈ Paaˊ chaˊjwëꜗ baˊ.
4Heˉja̱ˉ gaꜙjähꜘ Festo: —Jeeˊ ooꜙ baˊ hä̱ä̱ˊ Paaˊ naˉjnëëyˈ jwɨɨˉ Cesarea. Ja̱ˉbaˊ jeeˊ naahnꜚ cha̱hꜘ.
5Läꜙjë̱ë̱ꜙ hnähꜘ hi̱ˉ jä̱ä̱ˊ, maꜙnøønˈ ko̱ˉjø̱hꜘ mahꜗ jeeˊ ooꜙ baˊ hnɨɨhꜗ hnähꜘ kiyhꜗ cherˊmahꜗ chaˉ ko̱o̱ˉ dsooˊ jʉʉhˉ heˉ naˉbä̱ä̱hˋ dsaˉñʉʉhˉ heꜘ.
Hechos 25
Hechos 25:3-5