Aposol 18:21-28

²¹Hianagi hufru hunezmanteno anage hu'ne, Anumzamofo avesi'zama me'nenige'na, ete'na tamagritega egahue. Anage nehuno Efesasiti'ma votifi,

²²vuno Saeseria unehanatino, Jerusalem umarerino mono vahera musenke hunezmanteno, anantetira Antioku urami'ne.

²³Antioku'ma mago'a knama maniteno, ana kumara atreno mago'mago kumate Galasiane Fezianena vano huno Jisasi amage nentaza disaipol nagara zamazeri hampo'na hu'ne.

²⁴Mago Jiu nera, agi'a Apolosi'e, Aleksandria kumate kasente'naza nera, knare keaga nehuno avontafera antahi ankere'nea ne'mo Efesasi e'ne.

²⁵Agri'ma Ramofo Jisasi kanku rempi humizageno, hampo'natino huzmenerino keaga nehuno, Joni'ma tima frezmante'nea zantfa antahi'neanagi, Jisasi avu'ava'mofo nanekea fatgo huno huzamasmi'ne.

²⁶Agra korora osuno, agafa huno osi mono nompina hu'ama huno mono nompina keaga hu'neanagi, zanagrama agri kema nentahikea, Prisilake, Akuilakea avareke va'azamoke Anumzamofo avu'avara mago'ene huhagro huke fatgo kante asami'na'e.

²⁷Akaea vuku Apolosi'a nentahige'za, mono (kristen) naga'mo'za azeri hanavetike nesamiza huso'e sa'e hunente'za, Jisasi amage nentaza disaipol nagatega azeri so'e hiho hu'za avonkretrenaze. Anante'ma unehanatino'a, Anumzamofo asunku'zamo zamaza hige'za zamentinti nehaza nagara tusi'a zampi zamaza hu'ne.

²⁸Na'ankure agra hampo'natino Jiu vahera zamazeri hagro huno, mika vahe zamufi avontafepinti eriama huno Jisasi'a Tazahu Nere (Kraisi'e) hu'ne.