Aposel 1:20-26

²⁰Pita yegl dungwa, “Kamo ipre Buk Song mina beglko pangwa, “‘I yegl ye yungumo poyenan yomba suwarata yungugl moglkraglkwa.’ Te Buk Song ta mina ama yegl beglko pangwa, “‘Ye kongunmo i yomba pereta inambuka.’

²¹Yeglpre erme nono yomba ta inamga i ye nono Yaglkande Yesus bogl wanmounara akiye engenge wan-wan erikwa yomba ikra suwarata inamga.

²²Yombamo i ye Jon eremogl baptais yomba eretongwa engemo i yei ende wu Yesus ende heven ongwa enge i ye suna akiye mogl pirkan orkwa yomba, i suwarata pinde yumun kade Yesus gogltre andigl ukor ongwa kamo i kawaiye ere boglo kurambuka!”

²³Ana Pita yegl dungo, ye yomba suwo i-pene endingwa: Yagl ta Josep (ye Barsabas we dingwa te kangiye ta Jastus), ana yagl ta kangiye Matias.

²⁴Ana ye kamange yegl erikwa, “Yaglkande, yomba nomano suna i ene pirkan etnga, ipre yagl suwo i mina ira i-pendigl endinga i no ombuno dinotn,

²⁵ana ye eremogl Judas angaimo kondo endumara ikra indre ana ye aposel kongun erambuka.”

²⁶Ana yagl suwo ikra mina suwarata inamunedi pre, satu singo, ana satu yange Matias moglmara sungo ana aposel 11 meglmara ye isuna endingwa.