Aposel 1:16-26

¹⁶ma iy tiye anya, “Ado nadu tine mwan ma badih, sahou ta Kindrei mwena mene Malawin Ndrabun mene ndratiye udu boho Debit tiye nyala Judas mene udu bwena tiri eme ateu Jises badeh, ndrasahan handru.

¹⁷Judas badeh, mene badu hawe to ta amekes lahou dah.

¹⁸Eme Judas badeh, sihinei munyak na luk, tasah ta kandriyen ndra-in tan; eme iy taku i andri ma imek ya ndrinen asikak ma ndrinen talou eme len.

¹⁹Eme iri lau badu Jerusalem anuhun badeh, ma tondrohani kon iy imek udu aliy doh i boho kon tiri aloh Akeldama, moson ‘munyak ta ndrahu ndra.’

²⁰“Tasah, ndratorowenei udu bolo buk Wari badeh, tiye i buku doh: ‘Asiu tan badeh, kudu laleyah, ya ari ndramak sado aliy.’ Ma torowenei ale i buku doh: ‘Ya ndramak ari ki saluwen ta in bwena.’

²¹“Ya eme, are lau mene udu hawe to na len mari to adek hawe Laban Jises badeh, ki saluwen?

²²Udu ndra kabatana Jon ta alomwa eme, eme taku kabatana andrei Jises udu hawe to iu i loken. Iy doh badeh, keme hawe to ta asehek nyala Jises mene amak eme awas ja.”

²³Eme oro badeh, aseken lau la-uh: Iy ari badeh, Matiyas. Iy ari ja nyaran taloh: Josep, Barsabas,

²⁴Ano oro amekes salom anya, “Laban, ou badeh anyolom ndrine lau mari. Ou leheyani keme lewan keme taso ta are turu kasahan aposel ta amekes lahou tam ki saluwe Judas mene iy ndramak ndra-au.”

²⁶Ano oro asoh nyek. Eme nyek ihis ta Matiyas. Ya eme iy ili hawe oro aposel ma ronoh ari nane dah.