Text copied!
CopyCompare
Gotiki olu kutifi ledami ka kofawa - Aposolo - Aposolo 1

Aposolo 1:16-26

Help us?
Click on verse(s) to share them!
16eti loto logimami, Mono wenenane-motao, kolalo. Yudasikafo Yesu ya kuwolafo-mota gilimito oto anido gimami we kala ya adeina afimaleka Ouna Felegagakafo Defiti welalo ka ya melami kama oiya u ayaloma wiyaiye.
17Ido Yudasi komu lamoki lakoina ekeleto minoto mono lono olumo wone.
18Etito nefa, wewa mona nosámami melami, meinala umamo yakafo mika ma meina fito aya mikalo ya lumu fou loto, muluna poloka kito siya-mulunau neta muki feka aito folaiye.
19Folaito, Yelusalemu numudo minamo wenena muki ya kawa koli fuli lamo yamu folami mikawa ya kuliya Akeldamale, loti melamo katelokati monawa ya Wanu Leikami Mikale, loto ne.
20Yamu mono lufuwa bukuku Mono Nema yau eti limo, Numuna ya lupa minageto wenena ma yau minámenagilae, loto ka mono lufuwau (Sng 69:25) ya nemo ne. Ido maki ya eti limo, We ma yakafo kiyaba we lonola ya olunami ne, loto ka mono lufuwau (Sng 109:8) ya nemo ne.
21Etito yamu Wekolate Yesu ya folaiguti kofa nedami kala ya lo oloto melenami we ma lamo minonigu yauti Yesu lamoki minami kamena muki yalo lakoina moni-moni ami we ma iya ku melokele.
22Wewa olu oloto pinumo ya Yonikafo noku wi gede minaido yaloti uto Yesu lamodoka ilimito kamenalo kosinau idami ya eye fuli lonimo wemomo yaumati we ma iya ku melokele, loto logimaiye.
23Eti logimaito, we lele ma ya ma kuliya Yosefe kuliya lele ma Basabasi ido ma Yasitusi, ido we ma kuliya Matiyasi ya olu oloto piyamo ne.
24Ido mukite Goti eti loumamo, Wekolao, wenena muki sete-muludeu ko-ko animo we kaimokafo Yudasi lonola fulitito aimola kanulalo uto u kopa wimoma nenako, yamu we lele yauti lawoko ma iya ku edanimo we ya ebala olunami wewa lilibo, loti loumu minae.
26Eti loumutiti mau minamo ya noka kedeti Matiyasi kuliya ya oloto piti, aposolo minenaiye, loti lato aposolo leweni (11) minagu ya ekeleti minae.

Read Aposolo 1Aposolo 1
Compare Aposolo 1:16-26Aposolo 1:16-26