Aposel 11:12-19

¹²Ra a Tokodos na Nion i inanos iau sur an nan tomo nam detul, ma gong a nuknuk larlar uni. Ma a wonom na musano kai ri, ra met tar tistisino una nurnur met wan tomo nam detul utong o Sisaria ra met ruk una rumu anun a musano ra i itula sur iau.

¹³Ra i inanos met lena, i tama tar a ensel i wanpat una nun a rumu, i tur ma i watungi lena, ‘Un itula utong o Jopa sur din ben pas o Saimon, ara risano kai o Pita.

¹⁴In inanos ui un lako kum wasiso ra in ulaun ui tomo nam det rop ra det kis una num a rumu.’

¹⁵Ra a turpas a wasiso, a Tokodos na Nion i wan pirso un det, elar nami ra i pami un dat numugu.

¹⁶Ra a nuk pas a wasiso anun a Labino, ra i watungi lena, ‘O Jon i baptaiso nama danim, ikut numur din baptaiso mot nama Tokodos na Nion.’

¹⁷O God i sa pitar tar a Tokodos na Nion lar a etabor tandet, elar nami ra i sa pitar tari tandat, ra dat nurnur una Labino, o Iesu Karisito. Ra osi na ngas na musano iau, sur an turbat o God?”

¹⁸Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

¹⁹A taro na nurnur ra det wan sarara tagisapat o Jerusalem, uni di ban laulau det numur tan a minatin o Stiwen, det wan bakbak utong o Saipras, ma una papor Ponisia, ma a tamon Antiok. Det wasiso torom a taro Juda kut nama Wakak na Wasiso un o Iesu.