13Ingwer-ingeran, King Agrippa Caesarea-warl apetyek anew ikwerenh-then-antey Bernice-then. Ratherr ilkwatherr apetyek Festus-warl, renh aretyek.
14Ratherr kel arlta irrpety ikwer-itwek anek-penh, Festus-el King renh Paul-ek ilek. Ra renh ilek, “Felix-el artwa anyent tyayl-itwek iwerl-alhek.
15Ayeng Jerusalem-itwek anenh-antey, tyaty-areny atyetyart-rnem-then Jew-rnem atyetyart-rnem-then rernem atyeng-warl apetyek. Rernem ayenh ayernek, atha anyent renh ipmek atwetyek.
16Atha renh-rnem ilek, ‘Anwekantherrenh-angkwarr angka ingweran aynteyel arrpemarl. Anwantherr nthakenh ingwer ipmek atwey-angenh. Arrantherr renh anngetherr court-itwek ayernetyek. Ikwer-penhan ra ilelhenty, renh ipmek-anem atwetyek.’
17Jew-rnem-anem nhenh-warl apetyek atyeng-warl. Arlta ingwerelan ayeng Paul-ek yangkelhek, atha renh ayernetyek, rernem renh anngetherr ayntarrp-iletyek.
18Rernem-anem ayntarrp-ilek, athanem iterl-arek rernemarl apalel renh ayntarrp-ilek, atha renh nthakenh ipmek atwey-angenh.
19Rernem ilterrek, Akngey ikwer-rnem-kenh-they. Rernem ilterrek Jesus-they, rarl arrewaly ayntek. Paul ra ilek, ‘Jesus ra iteth aneyel.’
20Ayeng-anem ywarn iterrek athanem Paul renh ayernek, ‘Nga Jerusalem-warl alhetyek? Atha ngenh court-emileyek.’
21Paul ilelhek, ‘Ayeng ilkelheyel, Caesar-itwek ayenh court-emiletyek.’ Alakenh-anyem atha renh tyayl-itwek atnyeneyel, Rome-warlant renh thwenetyek.”
Acts 25
Acts 25:13-21