Yɛbəc 25:13-21

¹³Ntɛ mataka mɔlɔm məŋcepər mɔ, kɔ wəbɛ Akripa kɔ wəkirɛ kɔn Bernis ŋander dare da Sesari, kədeyif Fɛstus.

¹⁴Ntɛ ŋawak di kəwon mɔ, kɔ Fɛstus ɔlɔmər wəbɛ nwɛ teta Pol, pəc-loku: «Felikəs ɛnasak fum wəlɔma dəbili.

¹⁵Ntɛ inakɔ Yerusalɛm mɔ, aloŋnɛ apɔŋ kɔ abeki a dɔtɔf aSuyif ŋanabokɛnɛ tetɔn, ŋac-tola kədif kɔn.

¹⁶K’iloku ŋa a aRom ŋafɔsɔŋ fum kədif ta wəkayi ŋantatɛfərɛnɛ kɔ aboŋcɛ ɔn mes-ɛ, pəyacnɛ moloku mɔkɔ amboŋcɛ kɔ mɔ.

¹⁷It’ ɔsɔŋɛ ntɛ ŋatɔwon kəderɛnɛ nnɔ mɔ. Dɔckɔsɔk, k’indɛ dəŋkiti, k’isom a pakɛrɛ fum wəkakɔ.

¹⁸Ntɛ aboŋcɛ ɔn mes ŋander mɔ, ali tes ŋamboŋcɛ fɛ kɔ ntɛ inafɔtɔnɛ kɔ mɔ.

¹⁹Ŋaŋgbɛkəlɛnɛ kəgbɛkəlɛnɛ dəm teta dinɛ daŋan, kɔ teta Yesu wəlɔma, nwɛ efi mɔ, mba kɔ Pol nkɔn oloku a eyi wəyeŋ.

²⁰Kɔ ina, ntɛ intɔcərɛ ntɛ indeloku teta mes ma dinɛ daŋan mɔ, k’iyif Pol, kɔ pəyɔnɛ oŋwosɛ kəkɔ Yerusalɛm pakɔ-kiti kɔ dəndo-ɛ.

²¹Mba Pol ontola ntɛ ɛfaŋ mɔ: A wəbɛ kosu wəlel pəkiti kɔ, it’ ɔsɔŋɛ ntɛ iloku a pacaŋər kɔ haŋ ic-tam kəkenɛ kɔ Sesar wəbɛ wəka tɔf ya Rom fəp.»