Acts 17:3-9

³Ma God riwanei i viararamana da Keriso ina vinuapoapoe ma iraḡelei ina vomairi me, “Wei ravana a bababaniei awarimi, tauna Iesu Keriso.”

⁴Mai Jew ḡelaui orai i taini ma taui i votaḡotaḡoi. Ma nanare Jentail nelara maḡamaḡagaui God taurauduneleina ma waivine wavai naenaei maḡamaḡaui.

⁵Wate mai Jew i unura ma rava ora-potapotai maḡamaḡaui au etanai i tami ma au taon vikaruwaḡawaḡa i vikarei. Ma oroto wavana Jason ana numa i ruini Paul ma Sailas i baibaiei da ita opunei patara awari.

⁶Wate maranai eḡa ita nelaḡai taui Jason ma kerisiana ḡelaui i taina-naiei taon babadai awari, ma i garara, “Wei ravai dobu au anatapuna apoapoe maḡamaḡaui i kauei, marina i ḡetai ata au dobu.”

⁷Ma Jason, Paul ma Sailas i taravaini ana au numa. Taui Caesar ana tarawatu e viviaigai ma e ririwa da gulau ḡelauna e mamae wavana Iesu.

⁸Maranai patara ma taon babadai wei babanina i nonori taui amloi i ḡaiḡai kaua,

⁹ma Jason i egari da mane ḡaeḡaena i vimaiei da eḡa mae boaboa ḡelauna ina vitupui. Ma taui Jason i voterei da i nae.