A Umana Kakailai 96:2-13

²Avat a kakailai tadav ra Luluai, avat a pite pa ra iangina; Avat a vaarike kana valavalaun a bungbung par.

³Avat a varvai ure kana minamar pire ra umana Tematana, Ma ure kana lavur enana papalum pire ra lavur vuna tarai par.

⁴Tago ra Luluai i ngala, ma i kat ba da manga pite pa ia; I topa ia ba da ru ia ma ra umana enana god pata.

⁵Tago ra lavur god kai ra tarai par a umana magit vakuku diat, Ma ga ra Luluai i ga pait ra bala na bakut.

⁶A variru ma ra minamar i tur ta ra luaina matana. A dekdek ma ra minong i ki ta kana pal tabu.

⁷Avat a lavur apik na tarai, Avat a tul tar ra variru ma ra varkurai tai ra Luluai;

⁸Avat a tul tar ia tai ra Luluai ra variru ba na topa ra iangina; Avat a kap ra tinabar, ma avat a olo ta kana gunan.

⁹Avat a lotu tadav ra Luluai ma ra gomgom na minong; Avat par ta ra rakarakan a gunagunan, avat a dadadar ta ra luaina matana.

¹⁰Avat a biti livuan ta ra lavur Tematana: Ra Luluai i ki na king; I tar vaki bulu ra rakarakan a gunagunan ma pa na takari; Na kure ra tarai ma ra takodo na varkurai.

¹¹Boina ba ra bala na bakut na gugu ma ra rakarakan a gunagunan na ga; A ta na roro, ma ra lavur mangana i kor tana;

¹²A pupui na kukula ma ra gugu, ma ra lavur magit i ki tana; Io, a lavur davadavai ta ra lokalokor diat a kakailai na gugu;

¹³Ta ra luaina mata i ra Luluai, tago i vut; Tago i vut upi na kure ra rakarakan a gunagunan; Na kure ra rakarakan a gunagunan ma ra takodo na varkurai, Ma ra lavur vuna tarai ma ra dovotina.