A Umana Kakailai 80:1-12

¹Kai nina i lue ra kakailai; a tiun Sosanim-Edut; a kakailai kai Asap. U ra tena varbalaurai kai Israel, una valongore, U ba u agagure Iosep da ra kikil na sip; U ba u ki na king ta ra ul a angelo, una pupua rikai.

²Una lue rap Epraim ma Beniamin ma Manase, una ongor, Ma una mai upi una valaun avet.

³Una vadoane mule avet, God, A matam na pupua, ma avet a laun.

⁴Luluai, a God kai ra lavur kor, Aivia ra bung boko una kankan ure ra niaring kai kaum tarai?

⁵U ga tabar diat ma ra gem na tinangi, Ma u ga vamomo diat ma ra ngala na lur na mata i diat.

⁶A tarai dia ki kikil avet dia varngangar ure avet, Ma kaveve lavur ebar dia nonganongon ure avet.

⁷God kai ra lavur kor, una vadoane mule avet; Ma ra matam na pupua, ma avet a laun.

⁸U ga kap vairop ra davai na vain kan Aigipto, U ga korot vue ra umana Tematana, ma u ga kalie.

⁹U ga raut are; Ma i okor bulu, ma i lulul bonot ra gunan.

¹⁰I vamalur ra umana lualuana, Ma ra umana ingaingarina dia da ra tagatagal kai God.

¹¹I tultulue ra ingaingarina, ma i tuk tar ta ra ta. Ma ra golina tuk tar ta ra Tava Alir.

¹²Ta ra ava u ga rada vakaina kana liplip, Upi diat par dia vana pakit dia ibul ia?