A Umana Kakailai 7:1-13

¹A kakailai kai David nina i ga kaile tadav ra Luluai ure ra tinata kai Kus, a te Beniamin. Luluai kaugu God, iau nurnur piram; Una valaun iau kan diat par dia korot mur iau, ma una valangalanga iau;

²Kan na karat kadakadal kaugu nilaun da ra leon, Na kadal ia, ma pa ta na ati ba na valaun ia.

³Luluai kaugu God, ona iau tar pait go; Ona i kaina ra limagu;

⁴Ona iau tar bali nina amir ga ki na malmal me ma ra kaina; (Maia, ma iau ga valangalanga kaugu ebar vakuku;)

⁵Boina ba ra ebar na vakaina kaugu nilaun, ma na kinim vake; Maia, na ruarua taun iau ura ra pia, Ma na vaki kaugu minamar ta ra tobon. Sela.

⁶Una tut, Luluai, ta kaum kankan, Una vadadake u ma una tur bat ra nginangal na kulot kai kaugu umana ebar; Ma una tavangun maravut iau; u tar vartuluai upi ra varkurai.

⁷Ma boina ba ra kor na tarai na tur kikilane u; Ma una vana urama liu ta diat.

⁸Ra Luluai i pait ra varkurai pire ra tarai; Una kure iau, Luluai, vardada ma ra takodo na maukuagu, Ma vardada ma ra dovotina i ki tagu.

⁹Boina ba ra varpiam kai ra lavur tena varpiam na par, ma una vatur vapadikat ra umana tena takodo; Tago God, a tena takodo, i valar ra nuknuk i ra tarai ma ra bala i diat bula.

¹⁰God kaugu ramravit, Nina i valaun diat i dovot ra bala i diat.

¹¹God a takodo na tena varkurai, Maia pa, ia ra God ba na kankan ure ra kaina a bungbung par.

¹²Ona ta tikai pa i nukpuku, na al vamangi kana pakat na vinarubu; I tar lele kana panak, ma i tar vaninare.

¹³I tar mal bula. ra ana rumu na minat; Ma kana umana pu i vabirao diat.