A Umana Kakailai 66:2-8

²Avat a vaarike ra minamar i ra iangina ma ra kakailai; Avat a mal tuna kana pite varpa.

³Avat a biti tai God: Kaum lavur papalum dia enana tuna! Tago a dekdekim i ngala na kaia, kaum lavur ebar diat a ongo tam.

⁴A rakarakan a gunagunan na lotu piram, Ma na kakailai piram; Maia, na kakailai tadav ra iangim. Sela.

⁵Avat a mai, avat a gire ra lavur papalum kai God; I ti enana tuna kana mangamangana tadav ra umana natu i ra tarai.

⁶I vaenana pa ra ta, ma i da ra pia mage; Dia tinur bolo ko ta ra lubu; Abara ave. ga gugu tana.

⁷I varkurai vatikai ma ra dekdekina, A matana i makmakile ra lavur Tematana; Koko ra tarai na varpiam diat a vangala pa diat mulai. Sela.

⁸Avat a lavur vuna tarai avat a pite pa kaveve God, Ma avat a taorong ma ra tinata na pite varpa pirana;