A Umana Kakailai 55:16-21

¹⁶Ma iau, ina kail ika tadav God, Ma ra Luluai na valaun iau.

¹⁷Ta ra ravian, ma ta ra malana, ma ba ra keake i ki tur, ina araring ma ina oir, Ma na valongore ra nilaigu.

¹⁸I tar valangalanga bulu ra tulungeagu upi koko diat a maravai piragu, Tago mangoro diat ave varngangar ma diat.

¹⁹God na valongore ma na vakadik diat, Maia, nina i tar ki na varkurai papa amana. Sela. Na vakadik diat ba pa i enana kadia kini, Ma diat ba pa dia burut ure God.

²⁰I tar tul vaarike ra limana ure diat dia ga ki na bartalaina me, I tar vatamam vue kana kubunu.

²¹Kana tinata i ga duladula da ra bira; Ma ra balana i buka ma ra vinarubu ka, Kana lavur tinata dia manga madu, ma ra dangi pata, Ma dia varogop uka ma ra pakat na vinarubu di ele pa ia.