A Umana Kakailai 50:13-23

¹³Dave, ina en ra kanomong i ra bulumakau bar? Ba kan ina (mome ra gapu i ra me?

¹⁴Una tul tar ra tinabar na pite varpa tai God; Ma una pait ot pa kaum lavur vavalima pire ra Ngala Kakit;

¹⁵Ma una kail iau ta ra bung ba u ki na malari tana; Ina valaun u, ma una pite pa iau.

¹⁶Ma tadav ra tena varpiam God i biti dari: U varvai dave ta kaugu lavur togotogo, Ma dave u vatavatang kaugu kunubu?

¹⁷Tago u milmilikuane ra varpit, Ma u piam vue kaugu tinata.

¹⁸Ba u gire ta tena nilong amur gugu varurung me, Ma ava varirivut ma ra umana tena nipo.

¹⁹U tak ra ngiem upi ra kaina tinata, Ma ra karameam i vavagu.

²⁰U ki, ma u takun turam, U takun vavaongo pa natu i tinam iat;

²¹U tar pait go ra lavur magit, ma iau ki mut uka, U ga biti ba dor varogop uka; Ma ina pit u boko, ma ina vaarike kaum mangamangana tikatikai ta ra luaina matam.

²²Io, avat ba ava nuk vue God, avat a nuk pa nam; Kan ina karat kadakadal u, ma pa ta na akari ba na valavalaun;

²³Diat par ba dia tul tar ra tinabar na pite varpa dia ru iau, Ma nina i mal pa kana mangamangana, Ina ve tar ra valavalun kai God tana.