A Umana Kakailai 44:5-22

⁵Avet a taun bat kaveve lavur ebar ure u kaka, Ta ra iangim ave rua bereng diat dia tut na vinarubu ure avet.

⁶Tago pa ina nurnur ta kaugu panak, Ma kaugu pakat na vinarubu pa na valaun iau.

⁷U kaka u ga valaun avet kan kaveve lavur ebar, Ma u varuva diat dia milmilikuane avet.

⁸Ta ra bungbung parika ave langlang tai God, Ma avet a pite vatikene pa ra iangim. Sela.

⁹Ma go u tar vung vue avet, ma u tar varuva avet; Ma pa da varagur ma kaveve loko na tarai na vinarubu.

¹⁰Ave vilau ka kan kaveve umana ebar; Ma diat dia milikuane avet, dia ra varpa vardada ma kadia mamainga.

¹¹U tar tul tar avet, ma ave varogop ma ra umana sip di poko diat Ma u tar vaki varbabaiane avet livuan ta ra umana Tematana.

¹²U ivivure kaum tarai ure ta paupau magit ika, Ma pa u pie pa ta tabarikik ma ra mataina.

¹³U vaki avet da ra magit na milmilikuan pire ra umana talai vevet, Ave da ra magit na vavirvir ma ra magit na varkulumai pire diat dia ki kikilane avet.

¹⁴Ave da ra tinata na varvakok livuan ta ra lavur Tematana, Ma dia loloe ra ulu i diat ta vevet.

¹⁵A bungbung par i tup iau ra niruva, Ma ra vavirvir i turup ra matagu.

¹⁶Ure ra tinata kai ra tena varkulumai ma ra tena varvul, Ma ure ra ebar ma ra tena varobo.

¹⁷Go ra lavur magit i tadav avet; Ma pa ave valubane u, Ma pa ave rara kan kaum kunubu.

¹⁸A bala i vevet pa i vana tapuku, Ma pa ave vana kan kaum nga,

¹⁹Upi una kita ngidangide avet ma avet a da ra uliran na gunan, Ma upi una vamalur avet ma ra malur na minat.

²⁰Ari da ga valubane ra iang i kada God, Ba ona da ga tulue vaarike ra lima i dat upi ta enana god,

²¹God pa na tikan tadav ia bar? Tago i nunure ra lavur magit i pidik ta ra nuknuk i dat.

²²Maia, di ubu doko avet a bungbung par ure u, Di nuk varogopane avet ma ra umana sip da ure ra vardodoko.