A Umana Kakailai 28:3-9

³Koko una tak vue iau varurung ma ra umana tena varpiam, Ma varurung ma ra umana tena pait ra kaina, Nina dia tata na malmal ma ra umana talai diat, Ma ra bala i diat i kaina ka.

⁴Una balbali ta diat da i topa kadia papalum, Ma da i topa bula kadia kaina mangamangana; Una bali ra papalum na lima i diat ta diat, Una tul tar ra vapuak ta diat ba i topa diat.

⁵Tago pa dia nuk pa ra lavur papalum kai ra Luluai, Ma ra bibili na limana bula pata, Na re vue diat, ma pa na vatur diat mulai.

⁶Da pite pa ra Luluai Tago i tar valongore kaugu lavur nilul vovo.

⁷Ra Luluai ra dekdekigu ma kaugu ramravit; A balagu i tar nurnur tana ma i tar maravut iau; Kari ra balagu i manga gugu, Ma ina pite pa ia ma kaugu kakailai.

⁸Ra Luluai ra dekdek i kana tarai, Ma ra dekdek na rivarivan ure ra valavalaun kai nina i ga pilak pa ia.

⁹Una valaun kaum tarai, ma una vadoane kaum tiniba; Una tabatabar bula diat, ma una puak vatikene pa diat.