A Umana Kakailai 25:1-9

¹Kai David. Luluai, a mamainga kai ra tulungeagu i tur piram.

²Kaugu God iau tar nurnur tam, Koko ina vavirvir; Koko kaugu lavur ebar diat a gugu ma iau.

³Maia, pa ta tikai ta diat dia nurnur tam na vavirvir; Diat ika dia pait ra vavagu vakuku diat a vavirvir.

⁴Luluai, una vateten tar kaum lavur mangamangana tagu; Una tovo tar kaum lavur nga tagu.

⁵Una rap lue iau ta kaum dovot na mangamangana, ma una tovo iau; Tago u God, kaugu tena valaun, Iau kiki ung up u ta ra bung parika.

⁶Luluai, una nuk pa kaum bala na varmari ma kaum lavur varmari; Tago dia tur papa amana iat.

⁷Koko una nuk pa kaugu lavur nirara, ba iau ga barmana, ma koko una nuk pa kaugu lavur mangana varpiam; Luluai, una nuk pa iau vardada ma kaum varmari; Ma ure kaum bo na mangamangana una nuk pa iau, Luluai.

⁸Ra Luluai i boina ma i dovot, Kari na tovo ra umana tena varpiam ure ra nga.

⁹Na rap lue diat i madu ra bala i diat ta ra mangamangana takodo, Ma na tovo tar kana mangamangana ta diat i madu ra bala i diat.