A Umana Kakailai 18:34-49

³⁴I tovo ra limagu ure ra vinarubu, Upi ra limagu na lele valar pa ra panak na palariam gobol.

³⁵U tar tul tar tagu bula ra ramravit nina ba kaum valavalaun; Ma ra limam tuna i maravut iau, Ma kaum varmari i pait vangala pa iau.

³⁶U tar valangalanga ra pakana gunan iau vanavana tana, Ma ra ura kaugu pa dir tamagaga.

³⁷Ina korot mur kaugu umana ebar, ma ina tadav diat; Ma pa ina lilikun mulai tuk ta nam ba dia tar virua.

³⁸Ina go vakakit diat upi koko diat a tut mulai. Diat a bura ta ra vavai ra ura kaugu.

³⁹Tago u tar vi pit iau ma ra dekdek upi ra vinarubu; U tar vamolo tar diat i tagu, diat dia ga tut na vinarubu ure iau.

⁴⁰U tar pukue vatalil kaugu umana ebar, Ma ure diat dia milmilikuane iau, iau tar ubu vue diat.

⁴¹Dia ga tangi ma pa ta na i valaun diat, Dia tangi tadav ra Luluai iat, ma pa i torom ta diat.

⁴²Ma iau ga ubu. pamar gigi diat; dia da ra tobon a vuvu i kap vue; Iau vue pikire vue diat da ra pikai ta ra nga.

⁴³U tar valaun iau kan ra varngangar kai ra tarai; U tar vaki iau upi iau ra lualua ta ra umana Tematana; A tarai ba pa iau ga nunure diat dia tar torom tagu.

⁴⁴Ba dia valongore ra tinata ure iau diat a torom vuavuai tagu, A umana vaira diat a ongo tagu.

⁴⁵A umana vaira diat a bilua vanavana, Ma diat a vana rikai ma ra nidadar kan kadia lavur pal na bakbakit.

⁴⁶Ra Luluai i laun, ma da pite pa kaugu vat i ta, Ma da manga pite pa God kaugu tena valaun,

⁴⁷Maia pa, nam ra God ba na pait ra varobo ure iau, Ma i vamolo tar ra tarai tagu.

⁴⁸I valaun iau kan kaugu umana ebar, Maia pa, u vaki iau urama kan diat dia tut na vinarubu ure iau, U valaun iau kan ra tena vakavakaina.

⁴⁹Kari, Luluai, ina tul tar ra pite varpa tam pire ra umana Tematana, Ma ina kakailai na pite varpa tadav iangim.