A Umana Kakailai 140:5-12

⁵Diat i kolakolo ra nuknuk i diat dia tar kapi ive ra kun ure iau, ma dia tar vung ive ra palai; Dia tar vuare ra ubene ta ra papar a nga; Dia tar vung ra ben ure iau. Sela.

⁶Iau ga biti tai ra Luluai: U kaugu God; Luluai, una valongore kaugu lavur nilul vovo.

⁷Luluai, God, kaugu dekdek na valavalaun, U tar turup ra ulugu ta ra bung na vinarubu.

⁸Luluai, koko una tul tar ra magit dia mainge ta ra umana tena varpiam; Koko una maravut ra kaina nuknuk i diat. Sela.

⁹Ba diat dia kobot upi iau dia tonatonok, Boina ba kadia kaina tinata na tup diat iat mulai.

¹⁰Boina ba ra lakit na iap na bura taun diat da ra bata; Boina ba da vue tar diat ta ra iap, Ma ta ra ngala na tung, upi koko diat a tutua irop mulai.

¹¹A tena varvul pa na ki bulu ta ra rakarakan a gunagunan, Ma ra kaina na rovoi upi ra tena vakavakaina upi na virua.

¹²Iau nunure ba ra Luluai na maravut diat dia ki na malari, Ma na pait ra magit i takodo pire ra luveana.