A Umana Kakailai 140:1-5

¹Kai nina i lue ra kakailai; a kakailai kai David. Luluai, una valaun iau kan ra kaina tarai; Una vaale bat iau kan ra umana tena vinarubu;

²A bala i diat i nuk upi ra varpiam, Ta ra bungbung par dia varvargat upi ra vinarubu.

³Dia tar vamangi ra karamea i diat upi na da ra karamea i ra vui; A taring da kai ra varkarat na vui i ki ta ra vavai na bul na ngie i diat. Sela.

⁴Luluai, una balaure bat iau kan ra lima i ra tena varpiam, Una vaale bat iau kan ra tena vakavakaina; Nina dir mainge ba dir a vabura iau ta kaubu vinavana.

⁵Diat i kolakolo ra nuknuk i diat dia tar kapi ive ra kun ure iau, ma dia tar vung ive ra palai; Dia tar vuare ra ubene ta ra papar a nga; Dia tar vung ra ben ure iau. Sela.