A Umana Kakailai 132:5-16

⁵Tuk tar ta ra bung ba ina gire tadav ta kiki upi kai ra Luluai, Ma tadav ta pal ba ra Ngala Kakit kai Iakob na ki ie.

⁶Ea, da ga valongore ta ra gunan Eprata, Da ga tikan tadav ia ta ra langun lar.

⁷Dat a ruk ta kana palpal, Dat a va timtibum pire ra ruarua na kauna.

⁸Luluai, una tut, una ruk ra kubam, Amur ma kaum dekdek na bok.

⁹Boina ba kaum umana tena tinabar diat a vavauluvai ma ra mangamangana takodo. Ma boina ba kaum umana tena lotu diat a kukula ma ra gugu.

¹⁰Koko una okole vue nina u ga ku ia, Ure David kaum tultul.

¹¹Ra Luluai i ga vavalima ma ra dovot ure David, Pa na nur vue, dari: Ina vaki tikai ta ra umana bul mur tam ta kaum kiki na king.

¹²Ona ra umana natum dia toratorom ta kaugu kunubu, Ma ta kaugu tinata ba ina vateten tar ia ta diat, A umana natu i diat diat a kabila ki vatikai ta kaum kiki na king.

¹³Tago ra Luluai i tar pilak pa Sion; I mainge ba na ki tana.

¹⁴Go ra gunan ina ngo vatikai tana; Ina kiki ati, tago iau tar mainge.

¹⁵Ina tata vadoane tuna ra ana nian, Ina tabar vamaur ra lavur luveana tana ma ra magit.

¹⁶Ina vavauluve bula ra umana tena tinabar tana ma ra varvalaun, Ma kana lavur tena lotu diat a kukukula ma ra gugu.