A Umana Kakailai 119:32-37

³²Ina vutvut ta ra nga i kaum lavur vartuluai, Tago u valangalanga ra balagu.

³³Una tovo tar ra nga i kaum lavur togotogo tagu; Ma ina mur ia tuk tar ta ra mutuaina.

³⁴Una tabar iau ma ra minatoto, ma ina torom ta kaum vartovo; Maia, ina torom tana ma ra balagu parika.

³⁵Una vavanavana iau. ta ra nga i kaum umana vartuluai, Tago iau gugu ta diat.

³⁶Una pukue ra balagu, upi na mainge kaum lavur varvai, Ma koko ina puruai upi ra kaina tabarikik.

³⁷Una tigal bat ra matagu, ba koko na gire ra magit vakuku, Ma una valagar iau, upi ina vanavana ta kaum lavur nga.