10“Nangin Edom mite chu najojeh a chu nalungthim’a nangmakichoisanga nahi. Ahin naminthannaa chun lunglhai in lang, inmunnakitou thim’in, ajeh chu ipidingpenna nangin naboi nading le Judahgam mipite manthah lo nadia minaphin lunghang’a nahim?” ati.
11Ahinlah Amaziah in athuseiangaipeh tapon ahi, hijehchun Israel lengpa Jehoash in asepaiteakigontohin, Judahlengpa Amaziah toh kisat dingin akontai. Galsat ding hungkon sepai teni chu Judah gam Beth-Shemesh munahchun anakisatto tauvin ahi.
12Judahte chu Israel sepaitenanocheh gamtauvin, asepai teuakitheh cheh uvin ainlang chehuvah ajam gam tauve.
13Hichun Israel lengpa Jehoashin, Ahaziah tupa chuleh Joashchapa Judah lengpa Amaziah chu Beth-Shemesh a chun ana mantanahi. Chujouvin Israelten Jerusalemkhopi chu anopaiyun, Jerusalemkulpi pal tong jalia sang, Ephraim kelkotna apat a Palningkoi kelkot gei asuhchim pehtan ahi.
14Hichun aman Pakai houin’ahsana le dangka chuleh thiljousechu aki chomdoh in, chuleh lenginpi’a konin neile gou jouse jongachom’in chuleh gal hingin mitamtah jong akaimangin, Samariakhopi lamah akile tan ahi.
15Jehoash vaipoh sunga thilsohjouse leh aman ana tohdoh holehathaneina akhon na geija anatohho chuleh Judah lengpa Amaziahtoh gal ana kisatto naho abonchan Israel lengte thusim kijihlutnalekhabua aum sohkeijin ahi.
16Jehoash athiphat’in Israel lengtekivuina Samaria a chun avuijun ahi. Ama thi jouchun achapa Jeroboamni na chun lengmun ahin lotan ahi.
2 Lengte 14
2 Lengte 14:10-16