1. King 4:23-26

²³engol ätemwänin kow mi aümanau me rüe kow mi mongö seni lemäl, pwal ipükü sip lükün ekewe chia iter kasele me ropak, pwal chuko mi kitinup.

²⁴Salomon a nemeni unusen ewe fanü lotoun ewe chanpupu Oifrat, seni Tifsa tori Kasa, a pwal nemeni ekewe king meinisin mi nom lotoun ewe chanpupu Oifrat. Iwe, a wor an kinamwe ngeni ekewe mwü meinisin mi nom ünükün.

²⁵Lon unusen ränin manauen Salomon chon Juta me chon Israel ra nom lon kinamwe, seni Tan tori Persepa, eu me eu famili a nom fän püsin an irän wain me an irä fiik.

²⁶Mi pwal wor ükükün faik ngeröü lenien oris fän iten nöün Salomon oris mi nukei waan kewe woken me engol me ruungeröü chon wawa oris.